ආශා දෑසින් දකිනා සිහිනේ
මිහිර මැකී යනවා
ඒ සිහිනේ පුතු තනිකම ඉපදී
හද තුළ තෙරපෙනවා ..//
ආ මඟ දෑලේ පිපි මල් කර වී
නෑ ඵල හට ගන්නේ
සිතුවිලි මී මැසි පොදි නැත මී බැඳ
උන්මය රිදවන්නේ ..//
තණ්හා දෑතින් පැතුමේ වරපට
ගිලිහී බිම වැටිලා
දෛවයෙ ගොනු ඇද ජීවන ගැල ගෙන
ආ මඟ දිග යනවා
ඈත අතීතයෙ සිහින මැදින් යළි
ජීවනයට යනවා ...//
ආශා දෑසින් දකිනා සිහිනේ
මිහිර මැකී යනවා
ඒ සිහිනේ පුතු තනිකම ඉපදී
හද තුළ තෙරපෙනවා ..//
ගායනය - දේවානන්ද වෛද්‍යසේකර
පද රචනය - ස්වර්ණ ශ්‍රී බණ්ඩාර
තනුව - දේවානන්ද වෛද්‍යසේකර
සංගීතය - පණ්ඩිත් ඩබ්ලිව්. ඩී. අමරදේව
1965 දී තිරගතවූ "සාමා" චිත්‍රපටියේ ගීයකි. මෙම චිත්‍රපටියේ පසුබිම් සංගීතය පණ්ඩිත් ඩබ්ලිව්. ඩී. අමරදේවයන් ගේ වුව ගීයේ තනුව දේවානන්ද වෛද්‍යසේකර ගේය.
No comments:
Post a Comment