සිකුරු තරුව රැයේ
අඳුර මකන අගේ
හඳට අහස හිමිවන පෝ දා
ලොව හඳටම නතු වෙනවා
තරුවද අමතක වෙනවා
අහස ඉමේ තුරු මුදුනේ මල් හිනැහෙනවා
නොපැතු සැ‍ණේ පෙති ඉහිරී බිමට වැටෙනවා
අහසට පිපි මල් සේ පොළොවට පර මල් හිමිවේ
පිපි මල් පර මල් වෙනවා
ඒ මල් දුක සඟවනවා
සිකුරු තරුව රැයේ
සිකුරු තරුව රැයේ
අඳුර මකන අගේ
හඳට අහස හිමිවන පෝ දා
ලොව හඳටම නතු වෙනවා
තරුවද අමතක වෙනවා
සඳළුතලේ සඳ විලසේ ඔබ හිනැහෙනවා
දිළිඳු මගේ හද අරණේ එළිය නිවෙනවා
ඔබ නෙත් සඳ පහනේ සඳළුතලේ සඳ සැඟවේ
ඔබ යළි සඳවත වෙනවා
මිහිරිව ඔබ රිදවනවා
සිකුරු තරුව රැයේ
සිකුරු තරුව රැයේ
අඳුර මකන අගේ
හඳට අහස හිමිවන පෝ දා
ලොව හඳටම නතු වෙනවා
තරුවද අමතක වෙනවා
ලොව හඳටම නතු වෙනවා
තරුවද අමතක වෙනවා ...///.
ගායනය - එඩ්වඩ් ජයකොඩි සහ චරිතා ප්‍රියදර්ශනී පීරිස්
පද - බන්දුල නානායක්කාරවසම්
තනුව - රෝහණ වීරසිංහ
No comments:
Post a Comment