Friday, December 6, 2013

කවුරුන්ද ඔබ මගේ

කවුරුන්ද ඔබ මගේ
කවුරුන්ද මා ඔබේ ....////

දෙතොල් සලා මුදු සිනහ නගන්නෙමු
දෙනෙත් පුරා පිරි කඳුළු සලන්නෙමු ...//
හදවත් ගැහෙනා රිද්මය අතරේ
සිතින් ගතින් එක්තැන් වී ඉන්නෙමු

කවුරුන්ද ඔබ මගේ
කවුරුන්ද මා ඔබේ ...//

ප්‍රේමය ගොළු වී හඬා වැටීලා
ඔබ හද මා හද රිදවන මොහොතේ ...//
ජීවිතයට හුරු පැරදුම හමුවේ
නොදොඩා ගොළුවී බලා සිටින්නෙමු

කවුරුන්ද ඔබ මගේ
කවුරුන්ද මා ඔබේ ...//

ගායනය - සුනිල් එදිරිසිංහ
පද - සමන් අතාවුදහෙට්ටි
තනුව - ආචාර්ය රෝහණ වීරසිංහ