පාලි කුමාරි නම් ගායිකාව ගැයූ ගී දෙකක්

භවෙ හීන ගුණේ දුටු දා
භවෙ හීන ගුණේ දුටු දා
භවෙ හීන ගුණේ දුටු දා ....//

මගෙ ශාක්‍ය හිමී ලෝනාථ භවේහී
ශාක්‍ය හිමී
ශාක්‍ය හිමී ලෝනාථ භවේහී
ශාක්‍ය හිමී ලෝනා

භවෙ හීන ගුණේ දුටු දා
භවෙ හීන ගුණේ දුටු දා

පියකරු සුන්දර සුගුණ සුධීරා
දේවි යසෝදර රූ සිරි සාරා ....//

සමගින රාහුල පුතු පින් සාදා
සමගින රාහුල පුතු පින් සාදා
අසහාය ඒ මහධීරා

භවෙ හීන ගුණේ දුටු දා
භවෙ හීන ගුණේ දුටු දා

සෞම්‍ය ශීත සඳුගේ රැස් ධාරා
පැතිරි ඇසළ පෝදා මනහාරා ...//

අසු නැඟිලා නේරංජන තීරා
අසු නැඟිලා නේරංජන තීරා
සාදරෙනී පැමිණී මගෙ ස්වාමී
මහණවී ප්‍රේමේ පා
හීන ගුණේ දුටු දා
භවෙ හීන ගුණේ දුටු දා

භවෙ හීන ගුණේ දුටු දා
භවෙ හීන ගුණේ දුටු දා

ගායනය - පාලි කුමාරි (සැබෑ නම නොවේ. තොරතුරු නැත.)
පද - යූ.ඩී. පෙරේරා
තනුව - කමල් දාස් ගුප්ත
සංගීතය - මොහොමඩ් ගවුස්

'භවෙ හීන ගුණේ" ගීය, නවසිය තිස් ගණන් වල ජුතිකා රෝයි ගැයූ "Prabhu Leejo Mera Pranam"  යන බජන් ගීයේ අනුකරණයකි.

ඉහත ගීය අඩංගු තැටියේ අනෙක් පැත්තේ ඇති ගීය "පාරමී පිරූ" ලෙස නම් කර ඇත.

අද රැගෙන ආ ගීය නවසිය හතළිහ කාලයේ බොහෝ ජනපිය වූ ගීයක්. මේ ගැන යමක් දන්නේ දැයි සුපුරුදු ලෙසම මා හිතවත් තිලකරත්න තලගහවත්ත මහතාගෙන් විමසා සිටියා, එතුමා කීවෙ එතුමාගේ මව් තුමිය ගායනවා අසා ඇති බවකි.

ඊට වඩා වැඩි දෙයක් මට ලැබුණේ "සරසවිය" පුවත් පතට ඉසුරු උදයංග කාරියවසම් මහතා සැපයූ ලිපියකිනි.

එම ලිපියේම උපුටා ගත් කොටසක් මෙහි දක්වමි.

උපුටා ගැනීම :-

"වර්ෂ 1937-38 පමණ කාලයේ බැංගලෝරයේ සිට මෙරටට පැමිණි නාට්‍ය කණ්ඩායමක සාමාජිකාවක වූ නාටිකා “පාලී කුමාරී” ගේ මුල් නම අප්‍රකට ය. එවකට ටවර්හෝල් සහ අනෙකුත් නාට්‍ය සභාවන්හි නැටුම් සහ නාට්‍ය ජවනිකා පෙන්වා ජනප්‍රියව සිටි නළඟනක වූ ඇයගේ ස්වරයෙහි වූ සුමිහිරි භාවය නිසාම මොහොමඩ් ගවුස් මාස්ටර් විසින් ඇයට සිංහල ගීත තැටිගත කිරීමක් සඳහා ඇරයුම් කරන්නේ ය. එවකට ජනප්‍රිය "කොලුම්බියා" ගීත තැටි ලේබලයේ ගායිකාවක ලෙස ලියාපදිංචි වන ඇය විසින් 1939-40 වකවානුවේ ගීත හතරක් එනම් ග්‍රැමොෆෝන් ගීත තැටි දෙකක් සඳහා තැටිගත කරන්නී ය. ඇයගේ මුල් නම වෙනස්කොට “පාලී කුමාරී“ නමින් යෝජනා කරන්නේ "කොලුම්බියා" ගීත තැටි සමාගමේ එවකට නිත්‍ය ගීත රචකයෙකු සහ සහාය සංගීත අධ්‍යක්ෂකවරයෙකුව සිටි යූ .ඩී. පෙරේරා මාස්ටර් විසිනි. ඇයට සිංහල වචන උච්චාරණය සහ ගීත පුහුණුව සිදුකරනු ලැබුවේ ද, යූ .ඩී පෙරේරා මාස්ටර් විසිනි."

උපුටා ගැනීම නිමයි.

ජුතිකා රෝයි ගැයූ මුල් ගීය හමු නොවේ.

කැසට් පටයකට (1972) ඇතුළත් වූ ගීයයි මේ.

Song - Prabhu Leejo Mera Pranam

Album - Bhajan Aalekhya - Vol. 2

Singer - Juthika Roy

Lyricist - Pt. B.C. Madhur

Music Director - Kamal Dasgupta

Released on: 1972-12-31

Saregama India Ltd

පාලි කුමාරි නමි ගායිකාව ගැයූ ගී හතරම මා සතුව ඇතත්, උච්චාරණය අපැහැදිලි නිසා පද පෙළ ගැස්වීම ඉතා අසීරු කටයුත්තකි.

"භවෙ හීන ගුණේ දුටු දා" ගීය පද අමුණා ගත්තද, "පාරමී පිරූ මා ස්වාමි" ගීයේ පද එකලස් කර ගැනීමට නොහැකි විය.

"පාරමී පිරූ" ගීය ශ්‍රවණයට පමණක් ඉදිරිපත් කරමි.