නංගියේ මොකද

නංගියේ ...
නංගියේ මොකද
ගොම්මනේ මිදුල මැද හිනා වෙවී තනියෙන්
වැඩ ඇරී ගෙදර ආ වෙලේ ඉඳන් උඹ
කියන්න බැරි සතුටින්
නංගියේ ...

මල් කුමාරයෙක් ඉස්සර මා ගාවට ආවයි
උඹ වගේ මමත් හිනා වෙවී සතුටින් හිටියයි
දූ සිඟිත්තියක් හිමින් සැරේ දෝතට වැඩියයි
මල් සිනා නැඟූ ඇස් දෙක උණු කඳුළින් පිරුණයි

නංගියේ ...
නංගියේ මොකද
ගොම්මනේ මිදුල මැද
හිනා වෙවී තනියෙන්
වැඩ ඇරී ගෙදර ආ වෙලේ ඉඳන් උඹ
කියන්න බැරි සතුටින්
නංගියේ ...

මඟ තොටේ ඉඳන් මිනිස් වෙසින් විත් වග වලසුන්
ළංවෙලා කතාකරයි කියා නැති නෑදෑකම්
මඟ හොඳට තිබේනම් දෑසත් හොඳට පෙනේනම්
උඹ පරිස්සමින් පය තියපන් බැදිවල නොගිහිං

නංගියේ ...
නංගියේ මොකද
ගොම්මනේ මිදුල මැද
හිනා වෙවී තනියෙන්
වැඩ ඇරී ගෙදර ආ වෙලේ ඉඳන් උඹ
කියන්න බැරි සතුටින්
නංගියේ ...

ගායනය - දීපිකා ප්‍රියදර්ශනී
පද රචනය - බණ්ඩාර ඇහැලියගොඩ
තනුව සහ සංගීතය - ආචාර්ය රෝහණ වීරසිංහ