මුතු මැණිකේ උදේ රැයින් මුතු පොට සේ හිනාවෙයන්
හිමිදිරියේ සිත සපුරා හිනාවෙයන්කෝ
පුර පෝදා හඳ වාගේ හිනාවෙයන් ළඳ මාගේ
මුතු මැණිකේ හිනාවෙයන්කෝ ....//
පුංචි ගොයම් කිරි වැදිලා
ගිරා නිලෙන් ඔප වැටිලා
හේනෙ පැලේ හනි හනිකේ හිනාවෙයන්කෝ
රණ මොණරෝ රණ මොණරෝ
හනික වරෙන් මගෙ මිතුරෝ
මුතු මැණිකේ හිනාවෙයන්කෝ .....//
පලා පාට වියනක් සේ
ගිරා රෑන් ආකාසේ
අන්න බලන් ඔබ සොයාන පියා සරන්නේ
මාත් මෙහේ ඉන්න තුරා
උන්ට හිතක් දෙන්න එපා
රහසේ මට බහක් දියන්නේ ....//
ගායනය - ක්ලැරන්ස් විජේවර්ධන
පද - ක්ලැරන්ස් විජේවර්ධන
තනුව - ක්ලැරන්ස් විජේවර්ධන
No comments:
Post a Comment