අඩවන් දෑසින්

අඩවන් දෑසින් පවසනු රහසින්
ජීවිතයේ රස මේ යැයි විගසින් …//

පමා වෙවී හිඳිනට නැත වේලා
කාලය ඉගිලී යයි ඉගිලී යයි …//
සුපුල් දෙතොල් රත් පැහැයෙන් තවරා //
මීවිත උතුරා යයි උතුරා

අඩවන් දෑසින් පවසනු රහසින්
ජීවිතයේ රස මේ යැයි විගසින් …//

අවුල් දුහුල් වල සිහිල් පහස වැද
රඟනා රංගන නොනවත්වනු මැන
ඒ ගී හඬ මුලු ජීවිතයම සතු
රස බර සුළු මොහොතයි සුළු මොහොතයි

රෑ සිහිනෙන් දිව ගෑ සැපතක් සේ //
හෙට දින එය මිය යයි මිය යයි

අඩවන් දෑසින් පවසනු රහසින්
ජීවිතයේ රස මේ යැයි විගසින් …//

ගායනය - ආචාර්ය වික්ටර් රත්නායක
පද රචනය - මහගම සේකර
තනුව - සෝමදාස ඇල්විටිගල
වෙස්ගත්තෝ චිත්‍රපටයෙන් (1970)


Adawan Desin - Victor Rathnayaka