කන්දෙන් එහා
නිල් නිම්නයේ
සීතෙන් පෙඟී ඉන්නේ මමයි
මීදුම් සැඳෑ ආනන්දයේ
උණුසුම් සිතින් එන්නේ මමයි
කඳු රෑනේ හැන්දෑවේ
සිත පාළුයි පාළුයි නේ
පවනැල්ලේ මා එනවා
සුබ සැන්දෑවක් වාගේ
සිරි සිරි හඬින්
සිරි පොද වැටී
සිතිවිලි මගේ
සීතලයි
මීදුම් සැඳෑ ආනන්දයේ
උණුසුම් සිතින් එන්නේ මමයි
ළපටි තේ දළු
සීත දැනිලා
තුරුළු වෙනව පෙනේ
සැලෙන දෙතොලට
සුවඳ උණුසුම්
බිඳක් ඕනි ද ප්‍රියේ
දෑත පොරවා මා දැන්
මඟ බලා ඉන්නම්
මීදුම් සැඳෑ ආනන්දයේ
උණුසුම් සිතින් එන්නේ මමයි
කන්දෙන් එහා
නිල් නිම්නයේ
සීතෙන් පෙඟී ඉන්නේ මමයි
රෑන විහඟුන්
කූඩු වෙනවා
උන්නෙ උණුසුම සොයා
රතු වලාකුළු
සේද මීදුම්
කන්ද මුදුනට ගියා
ඉන්න තව මොහොතක්, මා
නිමේ‍ෂෙන් එනවා
කන්දෙන් එහා
නිල් නිම්නයේ
සීතෙන් පෙඟී ඉන්නේ මමයි
මීදුම් සැඳෑ ආනන්දයේ
උණුසුම් සිතින් එන්නේ මමයි
කඳු රෑනේ සැන්දෑවේ
සිත පාළුයි පාළුයි නේ
පවනැල්ලේ මා එනවා
සුබ සැන්දෑවක් වාගේ
සිරි සිරි හඬින් සිරි පොද වැටී
සිතිවිලි මගේ
සීතලයි
මීදුම් සැඳෑ ආනන්දයේ
උණුසුම් සිතින් එන්නේ මමයි
ම්ම්…. ම්ම්..ම්ම්..ම්ම් ම්ම්..ම්ම්..ම්ම් ම්ම්..ම්ම්
ආ අහාහා අහාහා
ගායනය - නිරංජලා සරෝජිනී සහ අබේවර්ධන බාලසූරිය
පද රචනය - ආචාර්ය අජන්තා රණසිංහ
තනුව - මහින්ද බණ්ඩාර
No comments:
Post a Comment