සඳුද අවදියෙන්
තරුද අවදියෙන්
මේ නිශාන්තයේ
ඔබ ළඟ නැති තව දිනක් ගෙවී යයි
තනිවුණ වසන්තයේ ...//
සීතල ඇතිරුනි මිහිලිය ළය මත
කොඳ කෙමි පිපුරුණි මධු පුරවා
උණුසුම දිසුණේ නෑ නෙත මානෙක
ඔබ ළඟ නැතිවම
අද මා තනිවම
සඳුද අවදියෙන්
තරුද අවදියෙන්
මේ නිශාන්තයේ
ඔබ ළඟ නැති තව දිනක් ගෙවී යයි
තනිවුණ වසන්තයේ
පහන් නොදැල්විණි ඔබෙ පැල්පත තුළ
නිදිමත අඩ නෙතුපිය සනහා
මගේම කඳුළක් වී පිණිබිඳු ලෙස
ඔබෙ කවුළුව ළඟ
පිපි මල් පෙති මත
සඳුද අවදියෙන්
තරුද අවදියෙන්
මේ නිශාන්තයේ
ඔබ ළඟ නැති තව දිනක් ගෙවී යයි
තනිවුණ වසන්තයේ ...//
ගායනය - අමරසිරි පීරිස්
පද රචනය - ප්‍රියානන්ද විජේසුන්දර
තනුව - අමරසිරි පීරිස්
Sanduda Avadiyen - Amarasiri Peiris
No comments:
Post a Comment