අරුණු වලා

අරුණු වලා පෙළ නැඟෙනු බලා
රන'ඹර අවදි වෙලා
කිරණ සලා මිහි මඬල දොවා
සුරිය මල පිපිලා ...//

ගලා හැලේ මේ උදේ සිතෙන් සිත
පහන් හැඟුම් පිරිලා
පොළෝ තලේ සත් පියුම් ලෙසින් ඇත
මිනිස් මහිම පිරිලා

අරුණු වලා පෙළ නැඟෙනු බලා
රන'ඹර අවදි වෙලා
කිරණ සලා මිහි මඬල දොවා
සුරිය මල පිපිලා

දොරින් දොරට සුභ පැතුම් පුදා යන
සිහිල් නලින් සැරසී
පහන් දොරින් හිරු එබී බලා
නව ලොවෙන් සිනා අයදී

අරුණු වලා පෙළ නැඟෙනු බලා
රන'ඹර අවදි වෙලා
කිරණ සලා මිහි මඬල දොවා
සුරිය මල පිපිලා  ...//

ගායනය - අමරසිරි පීරිස්
පද රචනය - කුමාරදාස සපුතන්ත්‍රී
තනුව හා සංගීතය - ආචාර්ය රෝහණ වීරසිංහ

Arunu Wala - Amarasiri Peiris