හසරැල්ලක් නුහුරු මුවට
සැනසිල්ලක් නොමැති සිතට
පවණැල්ලක්වත් හමන්න
ජීවිතයේ මද්දහනට ...//
දැනුමට ලද නෙක සහතික
ඉකිලන කල ගෙයි මුල්ලක
උස් අසුනට යන මාවත අපට නොවේ ඇරුණේ
ගොමරිටි යට යන වතුරෙනි ලොව පැන් සනහන්නේ
හසරැල්ලක් නුහුරු මුවට
සැනසිල්ලක් නොමැති සිතට
පවණැල්ලක්වත් හමන්න
ජීවිතයේ මද්දහනට
මවුපිය විවරණ ලබමින
උන් සුවපත් කරණ සිහින
පොල් අතු පියසින් ගලනා පිණි වැස්සෙන් මැකුණේ
මේ හැටි දඩුවම් ලබනට කළ වරදක් නොදැනේ
හසරැල්ලක් නුහුරු මුවට
සැනසිල්ලක් නොමැති සිතට
පවණැල්ලක්වත් හමන්න
ජීවිතයේ මද්දහනට ...//
ගායනය – ප්‍රදීපා ධර්මදාස
පද රචනය - වසන්ත කුමාර කොබවක
තනුව හා සංගීතය - ආචාර්ය රෝහණ වීරසිංහ
No comments:
Post a Comment