සාර සදිසි පෙති තෝර නෙළන්නට
පාර අසන් දැරිවී
මේ තාර පෙතෙන් වතුරාන සොයා යන
පාර අසන් දැරිවී ...//
කඩොලාන කැලේ
දියමංකඩ හැමදා
කිරළ ඉදී හැලුනා
කොයි කාට වුනත්
නෑ බෑ නොකියා
දිය සළුව එළා තිබුණා
එක යාය කුරුලු දූවක් සේ
ඉර හඳට බැඳී තිබුණා
සාර සදිසි පෙති තෝර නෙළන්නට
පාර අසන් දැරිවී
මේ තාර පෙතෙන් වතුරාන සොයා යන
පාර අසන් දැරිවී
නිල් මූද මතින් නෙක ලිහිණි ඇවිත්
ගං යාය සොයා ඇදුනා
තුරු වදුලු පුරා උන් වසුරු හෙළා
මල් පුසුඹ ඉබේ මැකුණා
අපි සාර සදිසි පෙති තෝර නෙළූ බිම
අපේ නොවෙයි සිතුණා ...//
ගායනය – ප්‍රදීපා ධර්මදාස
පද රචනය - වසන්ත කුමාර කොබවක
තනුව හා සංගීතය - ආචාර්ය රෝහණ වීරසිංහ
No comments:
Post a Comment