මහද වීණා

මහද වීණා...
මහද වීණා තත නංවනා රාවේ
ඔබගේ දයාවේ සැංගී සිනාවේ
මහද වීණා...

මද සීත නළවැල් හමනා දසන්තේ
වන මල් ද සුවඳැල් සැලෙනා වසන්තේ
පිපි තාරකා නිල් අඹරේ වනාතේ
ඔබගේ දයාවේ සැංගී සිනාවේ
මහද වීණා...

පෙර ඈත සිතුවම් ඇඳිලා පෙනෙන්නේ
මගෙ දෑස සැතපී සුවසේ නිදන්නේ
මදහාස ඔබගේ නැත නෙත් පියන්නේ
ඔබගේ දයාවේ සැංගී සිනාවේ...

මහද වීණා තත නංවනා රාවේ
ඔබගේ දයාවේ සැංගී සිනාවේ
මහද වීණා...

ගායනය - මහාචාර්ය සනත් නන්දසිරි
පද රචනය - ප්‍රේමකීර්ති ද අල්විස්
තනුව - මහාචාර්ය සනත් නන්දසිරි

මෙම ගීයේ තනුව නිර්මානය වූයේ සනත් නන්දසිරි මහතා ඉන්දියාවේ ශාස්ත්‍ර කරන අවදියේයි. ලක්නව් ගුවන් විදුලියේ සරල ගී ගායන ශිල්පියෙකු වූ කේවල් කුමාර් මාස්තව සඳහා තනුවක් නිර්මාණය කිරීමේ අවස්ථාව සනත් හට ලැබුණේය. ඒ "අනගි බරසා ජියා රේ ජලායේ" (Anagi Barsa Jiya Re Jalaye) නම් ගීයයි. සනත් ලංකාවට පැමිණි පසු ඔහු ඒ තනුවට "මහද වීණා" ගීය ගැයුවේය.