පාළු සුසානේ ප්‍රේම පුරාණේ
කඳුළු විලාපේ මා තමයි
අප දෙදෙනාගේ එදා සෙනේ
සැමරුම් කිසිදා මැකී නොයේ ...//
මට අමතක නෑ ඔබට මතක නෑ
ප්‍රාණය අද හෝ හෙටින් නිමා වී
ආදරයක් මිය යාවී දෝ
හදවත ගොළු වී ඔබේ නාමයෙන්
ජීවතයක් නවතීවී දෝ
මා විමසන්නෙමි
කියන්න කෝ මට
කෙලෙසද මේ ලෙස
කුරිරු වුණේ
පාළු සුසානේ ප්‍රේම පුරාණේ
කඳුළු විලාපේ මා තමයි
අප දෙදෙනාගේ එදා සෙනේ
සැමරුම් කිසිදා මැකී නොයේ
මට අමතක නෑ ඔබට මතක නෑ
මගෙ අත්තටු බිඳ පියා සලාලා
යන්නට ඔබ පැතු චේතනා
ඔබයි දිනුවේ පරාජිතයි මා
මේකද මට දුන් වාසනා
ආදර රේඛා සුසුම් හෙලා වී
කම්පා කරවා මහීතලේ
පාළු සුසානේ ප්‍රේම පුරාණේ
කඳුළු විලාපේ මා තමයි
අප දෙදෙනාගේ එදා සෙනේ
සැමරුම් කිසිදා මැකී නොයේ
මට අමතක නෑ ඔබට මතක නෑ
දෛවය මේ නම් සුදු අපි නාඬමු
හමු වෙමු මතු සංසාරයේ
කුරා කුහුඹුවන් හෝ නොවිඳීවා
ඇවිලෙන මේ ගිනි ජාලයේ
ඔබ නොව ළඳුනි මමයි සදාකල්
අසරණ වූයේ කුමාරියේ
පාළු සුසානේ ප්‍රේම පුරාණේ
කඳුළු විලාපේ මා තමයි
අප දෙදෙනාගේ එදා සෙනේ
සැමරුම් කිසිදා මැකී නොයේ ...//
මට අමතක නෑ ඔබට මතක නෑ
ගායනය - එච්.ආර්. ජෝතිපාල
පද - ආචාර්ය අජන්තා රණසිංහ
තනුව - සරක් ද අල්විස්
"ඔබට දිවුරා කියන්නම්" චිත්‍රපටියේ ගීයකි.
No comments:
Post a Comment