පැණි වෑහෙන කතා

පැණි වෑහෙන කතා

මතකද කී ගොතා

ඒ ගැන සිත සිතා

ඉන්නද කා පතා //

උපමාවක් නැගෙයි

ගැලපේවිද සැකයි

කිරි මුහුදයි හඳයි

පරදී සහතිකයි //

බැරිදේ බැහැ කියා

නොකියා කියනවා

කවුරුත් පණ ඇතී

ගැහැණුන් ගැන දනී

පිරිමින්ගේ හැටි තමා

බැරිවුනදා නැත සමා ...//

හිවලයි මිදි වාගේ

සිහියට නැගෙනවා ...//

තව හැඩ දාලා

උපමා ගේනවා

මිනිහා සූරයා

බැලුවම පේනවා

පැණි වෑහෙන කතා

මතකද කී ගොතා

ඒ ගැන සිත සිතා

ඉන්නද කා පතා //

උපමාවක් නැගෙයි

ගැලපේවිද සැකයි

කිරි මුහුදයි සඳයි

පරදී සහතිකයි //

උපමා කිය කියා

හිටියා ඇති ම‍ෙයා

මේ හැටි ඇයි පමා

යන්නද මා දමා

පෙර කාලේ හිටි අපේ

මුත්තන්ගේ කීමකී ...//

හිත ගිය තැන සෑදේ

නිර්වානේ ඉබේ ...//

හරි යන දීගේ

දැන් නේ පෑදුණේ

ඔව් අපි ජීවිතේ

ගෙන යමු හාමතේ

පැණි වෑහෙන කතා

මතකද කී ගොතා

ඒ ගැන හිත හිතා

ඉන්නද කා පතා

ගායනය - එච්.ආර්. ජෝතිපාල සහ පුෂ්පරාණී ආරියරත්න

පද - සරත් විමලවීර

තනුව - ආර්. මුත්තුසාමි

1960 දී තිරගත "නළඟන" චිත්‍රපටියේ ගීයකි.

Song - Peni Wehena Katha
Singers - Pushparani Ariyarathna & H.R. Jothipala
Lyricist - Sarath Wimalaweera
Composer - R. Muthusamy
Movie - Nalangana 1960

 

ඉහත වීඩියෝව Sujeewa's Music Page වෙතින් බව කරුණාවෙන් සලකන්න.