කාරණාව බුදු වෙනවා ලකුණු දැනේ
නෑර කැටුව ආවා මම සරණ ගෙනේ
භාවනාව තොර නොකරමි සිතින් අනේ
මාලිගාව අද අඳුරුයි සුවාමිණේ
හිමයේ ගොසින් මල් යහනක නිදනවද
ඔබට අනේ සිරිපා දෙක රිදෙනවද
හිඟේ නැතිව දෙවියෝ මුර කරනවද
මගෙ ඇත් රජුනි නුඹ අද කොතැනකද
කැලේ තියෙන කොයි දේ වත් රස වේවා
මලේ බඹරු මෙන් පිරිවර ඇති වේවා
අව්වෙ තියෙන රැස් මාලා අඩු වේවා
ගව්වෙන් ගව්ව දිව මාලිග සෑදේවා
ගායනය - සුරලි ඇන්ජෙලා ප්‍රනාන්දු
පද - යසෝධරාවත කවි (88, 98 සහ 100 වැනි කවි)
සංගීතය - ප්‍රදීප් රත්නායක
ශ්‍රී සිද්ධාර්ථ ගෞතම චිත්‍රපටියෙන්
No comments:
Post a Comment