රෑ චාරිකා

රෑ චාරිකා

මේ ගීතිකා

මල් මාරුතේ

රන් සිහිනයයි

සඳ කින්නරාවෝ

සඳ විල් තටාකේ

අනුරාව දල්වනා මේ යාමයේ

නීලංගනේ රෑ හොරෙන්

අත්වැල් බැඳන් පියඹමූ

අඩවන් නුවන් පා

ඈ මා සමීපේ

උණුසුම් පෙමින් වෙලී හිඳිනා වෙලේ

පියපත් මවා පෙම් හැඟුම්

පියඹයි අපේ විජිතයේ

රෑ චාරිකා

මේ ගීතිකා

මල් මාරුතේ

රන් සිහිනයයි

ගායනය - මිල්ටන් මල්ලවාරච්චි

පද - කේ.ඩී.කේ. ධර්මවර්ධන

තනුව - ස්ටැන්ලි පීරිස්

1976 දී "ජෙම්ටෝන්" ලේබලයෙන් නිකුත්වූ "ප්‍රේමේ මායා" තැටියට (මුල් ගී තැටිය) ඇතුළත් වූ ගීයකි.

(තැටි අංකය Gemtone / OME 1019)