දෙන්නා එක සිරුරේ

දෙන්නා එක සිරුරේ
උන්නා එක පණ සේ
දැන් මේ මොකද වුණේ
අයියෝ ඔබ මේ මොකද කළේ
වෙන්වී කඳුළු සලා
අයියෝ එක හිත දෙපලු වුණේ

අම්මා අවසන් හුස්ම හෙළද්දී
දිවුරා කී දේ අද කෝ
රැක ගන්නට සොහොයුරු ඔබෙ ප්‍රාණේ බැමි
හදලා බලලා සැපදී

එක පණ වගේ කිසිම දුකක් කරදරයක් නැතුව මල්ලිව හොඳින් බලාගන්න ඕන පුතා

අම්මා කිසි දේකට බය වෙන්න එපා අම්මෙ. මං මල්ලිව හොඳින් ආරක්ෂා කරන්නම්.

හනේ මගේ පුතාට තුනුරුවන්ගේ පිහිටයි.

අම්මා... අම්මා... අම්මා...

බලන්න ඔහු යනවා
අයියෝ උණු ලේ කඳුළු සලා

දෙන්නා එක සිරුරේ
උන්නා එක පණ සේ
දැන් මේ මොකද වුණේ
අයියෝ ඔබ මේ මොකද කළේ

වෙන්වී කඳුළු සලා
අයියෝ එක හිත දෙපලු වුණේ

අනුකම්පාවක් නොසිතා
ගත පලලා දෙකඩක කරලා

මේ ලෙස සොහොයුරු ප්‍රේමේ
බැමි සිඳලා බිඳලා දමලා
හැදෙන්න පෙර එලවා දැම්මා
කුරුල්ලා තටු කඩලා

බිරිඳයි දරුවයි සනසා
දුක වාවා ඔහු කැඳවනවා
ආ.. ආ....
බිරිඳයි දරුවයි සනසා
දුක වාවා ඔහු කැඳවනවා

බලන්න කිසිවෙකු නෑ
අයියෝ හදවත උණු වෙනවා

දෙන්නා එක සිරුරේ
උන්නා එක පණ සේ
දැන් මේ මොකද වුණේ
අයියෝ ඔබ මේ මොකද කළේ
වෙන්වී කඳුළු සලා
අයියෝ එක හිත දෙපලු වුණේ

ගායනය - එච්.ආර්. ජෝතිපාල
පද - චිත්‍රානන්ද අබේසේකර
තනුව - මේ චිත්‍රපටියේ සංගීත අධ්‍යක්ෂකවරු හය දෙනෙක් සිටියා. තහවුරු වූ තොරතුරු පමණයි ඇතුළත් කරන්නෙ. මේ ගීයේ තනුව කාගේ දැයි තවම තහවුරු වී නැහැ.

1963 දී තිරගතවූ "සුදු සඳේ කළු වලා" චිත්‍රපටියේ ගීයකි.

(මේ ගීයේ සංරක්ෂණ වී තිබූ හොඳම ගීය ද, ප්‍රමාණවත් තරමින් ශ්‍රවන ගුණය ඉහළ නංවන්නට, යම් මට්ටමක පිරිපහදුවක් කිරීමට සිදුවූ බව කරුණාවෙන් සලකන්න. මේ අඩවියේ හැර වෙනත් කිසිම තැනක වඩා යහපත් තත්වයේ වන මෙම ගීයේ සුරක්ෂිතයක් නැති බව මගේ හැඟීමයි)

Song - Denna Eka Sirure

Singer - H.R. Jothipala

Lyricist - Chithrananda Abesekara

Movie - Sudu Sande Kalu Wala 1963

මේ ගීයේ සිනමා රූප රාමු