Monday, December 2, 2013

නිල් කටරොළු මල් ගොමුවේ

නිල් කටරොළු මල් ගොමුවේ පැනි උරනා සමනළයෙක්
මිදුලේ දුවපැන නටනා පුතුගේ අතේ ගල් අහුරක්
කුරුමාණම වැරදුනාට කමක් නෑ පුතේ
සතුනට හිංසා වද දී නොවෙන් පුතේ දඟ ළමයෙක්

පුංචි කමට නොදැන කරන වැරදි වලට සමානො‍වී
කෝටු පාර ඉඳ හිටලා  නුඹට තලද්දී
නෙත කඳුළින් නුඹ හඬද්දි
හිත කඳුළින් මං හැඬුවෙමි

නිල් කටරොළු මල් ගොමුවේ පැනි උරනා සමනළයෙක්
මිදුලේ දුවපැන නටනා පුතුගේ අතේ ගල් අහුරක්
කුරුමාණම වැරදුනාට කමක් නෑ පුතේ
සතුනට හිංසා වද දී නොවෙන් පුතේ දඟ ළමයෙක්

කිරිකළ හත පෙවී නුඹට පා පොඩි එසවුනු දා සිට
සුරතල් සිහිනයකි මගේ ළය මුළුගැන්වී රැඳුනේ
නුඹ හොඳ මිනිහෙක් වන දා
මල් පිපියන් මගේ සිහිනේ

ගායනය - සුනිල් එදිරිසිංහ
පද - සුනිල් ආර්. ගමගේ
තනුව - ආචාර්ය රෝහණ වීරසිංහ