Tuesday, December 3, 2013

සොර දෙටුවෙක්

සොර දෙටුවෙක් කස තැලුම් කකා
දං ගෙඩියට ගෙන යන ගමනේ
වදක බෙරේ දැක සොරා ගන්ට එය
කදිමයි ලොබ සිතුවාලූ //

අනේ මෙහෙම තණ්හාවක්, (අනේ මෙහෙම ආශාවක්)
මිනිසුනි ලැබේද ඉන් සැනසීමක්

බුදු පුතෙකුන් පිඬු සිඟා වැඩිය හොත්
දෙන්නට වේ යැයි සැක සිතලා
මහ ඉසුරෙක් උඩු මහලේ සැඟවී
පැණි කොමු පිස කෑවේලූ //

අනේ මෙහෙම තණ්හාවක්, (අනේ මෙහෙම ආශාවක්)
මිනිසුනි ලැබේද ඉන් සැනසීමක්

සුරා සොඬෙක් ගිරි කුලකින් විසිවී
මහ පොළොවට පාවී එද්දී
ගත දැවටෙන මේ සීත පවන් ‍රැලි
අහෝ සැපයි කීවාලූ //

අනේ මෙහෙම තණ්හාවක්, (අනේ මෙහෙම ආශාවක්)
මිනිසුනි ලැබේද ඉන් සැනසීමක් .....///

ගායනය - සුනිල් එදිරිසිංහ
පද - පරාක්‍රම කොඩිතුවක්කු
තනුව - ආචාර්ය රෝහණ වීරසිංහ