මිහිරිම වසන්තය අරන්
බග සඳ එබෙයි කවුළුවෙන්
දස්කොන් සකි සඳුනේ ඇයිද පමාවා
නිදිගත් කොවුලිඳුට හොරෙන්
සීතල හඳ එළිය යටින්
සක්මන් මළුව සොයා ගෙන මම ආවා
සඳ වතුරෙන් පිරිලා නිල් දිය තිලක මණ්ඩපේ
මුව මී පිරීතිරී වැව් තෙර කුමුදු මල් සැලේ
වාසල මිණිබැඳි දොර නිහඬව නිදන වෙලාවේ
සෙංකඩගලට ඇවිත් මහ රෑ මධුර වසන්තේ
මිහිරිම වසන්තය අරන්
බග සඳ එබෙයි කවුළුවෙන්
දස්කොන් සකි සඳුනේ ඇයිද පමාවා
නිදිගත් කොවුලිඳුට හොරෙන්
සීතල හඳ එළිය යටින්
සක්මන් මළුව සොයා ගෙන මම ආවා
බෝගම්බරින් එපිට හඬනා රෑ කුරුල්ලනේ
ඔබටයි මඟුල් මඩුව හැදුවේ සකි සඳුන් මගේ
කන්දෙන් ඈත රටක හිරුදෙව් නිදන යාමයේ
ඉක්මන් ගමන් මොටද දේවිය ළඟ හිඳින රැයේ
මිහිරිම වසන්තය අරන්
බග සඳ එබෙයි කවුළුවෙන්
දස්කොන් සකි සඳුනේ ඇයිද පමාවා
නිදිගත් කොවුලිඳුට හොරෙන්
සීතල හඳ එළිය යටින්
සක්මන් මළුව සොයා ගෙන මම ආවා
ගායනය - චම්පා කල්හාරී සමග ජානක වික්‍රමසිංහ
පද රචනය - රත්න ශ්‍රී විජේසිංහ
සංගීතය - ආනන්ද පෙරේරා ප්‍රමුඛ සිහශක්ති
මෙම ගීය ජාතික රූපවාහිනිය නිෂ්පාදනය කළ මියුරුසර සංගීත වැඩසටහනේ වසන්තයේ ගී රූපවාහිනී විචිත්‍රාංගය වෙනුවෙන් නිර්මානය වූවකි.
No comments:
Post a Comment