බුදුන් වඳින මේ දෑතින්
වැඳල කියන්නම් අම්මේ
අක්කා මෙන් ඔය හිත නෑ පාරන්නේ මං
හිත හැදෙන්න මට ඇහෙන්න
එපා මුසා බස් පොඩි දූ
පව් පුරවා ගන්ට එපා මොටදෝ මායම්
මං දඟකාරියැයි කියා
වැඩිමල් දූ හිසේ තියා
මට විතරයි හැම තහංචි සැරවැර සරදම්
පතා කියාගෙන ආ දේ
ඒ හැටියට වෙයි කරුමේ
හැදෙනව නම් මගෙ දූටත් මේවා පාඩම්
බුදුන් වඳින මේ දෑතින්
වැඳල කියන්නම් අම්මේ
අක්කා මෙන් ඔය හිත නෑ පාරන්නේ මං
හිත හැදෙන්න මට ඇහෙන්න
කියා මුසා බස් පොඩි දූ
පව් පුරවා ගන්ට එපා මොටදෝ මායම්
හැමදාමත් අම්මා ළඟ
කිරිල්ලියක් ඉන්නවාද
පියාඹන්න කියාදෙන්නෙ ඇගෙ අම්මා නම්
වැස්ස හුළඟ කුණාටු මැද
ඉන්නයි තම දිවි රැක ගෙන
පියාඹන්න කියා දෙන්නෙ කුරුලු මවක් නම්
අපෙ අම්මා දීග ගියේ
දෙමාපියන් අණ බලාද?
අක්කා කළ දේ වැරදියි එහෙම වුණා නම්
පණ්ඩිත කම් නොකියා තව
අහවරනම් ගේ දොර වැඩ
හොඳයි බලා ගත්තානම් පොත පත පාඩම්
බුදුන් වඳින මේ දෑතින්
වැඳල කියන්නම් අම්මේ
අක්කා මෙන් ඔය හිත නෑ පාරන්නේ මං,
හිත හැදෙන්න මට ඇහෙන්න
කියා මුසා බස් පොඩි දූ
පව් පුරවා ගන්ට එපා මොටදෝ මායම්
ගායනය - අනුලා බුලත්සිංහල සමග ඊශා ඉන්ද්‍රචාපා බුලත්සිංහල
පද - ලූෂන් බුලත්සිංහල
තනුව - එච්.එම්. ජයවර්ධන
චිත්‍රය මනීෂා රාජු ශිල්පිණියගේ නිර්මාණයකි.
No comments:
Post a Comment