බමර රාව නැංවෙනා
අඳුරු ලෙන තුළේ
මල් පිපී රොනින් පිරේ
සුරත් කුසුම් කුලේ
තටු කඩා දැමූ බිඟුන්
එයි පෙළින් පෙළේ
සිංහබා පුතුණි බිඳින්
ලෙන් දොරේ බලේ
ගැලියේ බිහි දොරින් ඇසේ
ළහිරු කැන් සිනා
තෙමංසලට මං කියාවි පහන් තාරකා
වන හිසින් ගලා හැලේ
කුරුලු ගීතිකා
ඒ උදාන ගීතයයි
නව දිනක් පතා
වටු රැළක් ලෙසින් හඹා
මිදී එන දිනේ
කෙවිලියනි මිහිරි සරින්
ගයව් පා සෙනේ
යදම් බිදී සුරත් සැලේ
සුනිල් නිලම්බරේ
ළපලු සේ සැලෙන්නෙපා
පුතුන් එන දිනේ
බමර රාව නැංවෙනා
අඳුරු ලෙන තුළේ
මල් පිපී රොනින් පිරේ
සුරත් කුසුම් කුලේ
තටු කඩා දැමූ බිඟුන්
එයි පෙළින් පෙළේ
සිංහබා පුතුණි බිඳින්
ලෙන් දොරේ බලේ
ගායනය – ප්‍රදීපා ධර්මදාස
පද රචනය - විජිත් කණුගල
තනුව හා සංගීතය - ආචාර්ය රෝහණ වීරසිංහ
No comments:
Post a Comment