ඔබ මා නිවාලන්නේ
ඒ නෙත් කැළුම් කැන් නිවා දී
කිමදෝ දවාලන්නේ
ගලා යන්නෙ ගඟුලක් වගේ නම්
ළතැවෙන්න ඉවුරේ ඉමි ...//
තරු මල් ඔබේ නම් රාත්‍රියේ
මම අන්ධකාරේ ඉමි
දෑසේ කැළුම් කැන් මවා දී
ඔබ මා නිවාලන්නේ
ඒ නෙත් කැළුම් කැන් නිවා දී
කිමදෝ දවාලන්නේ
නෙළා ගන්න ඔබ සිත් බඳී නම්
පරවෙන්න සුපිපී ඉමි ...//
භවයෙන් භවේ මතු ආත්මයේ
ඉම තෙක්ම පෑහී ඉමි
දෑසේ කැළුම් කැන් මවා දී
ඔබ මා නිවාලන්නේ
ඒ නෙත් කැළුම් කැන් නිවා දී
කිමදෝ දවාලන්නේ
ගායනය - මිල්ටන් මල්ලවාරච්චි
පද රචනය - ප්‍රේමකීර්ති ද අල්විස්
තනුව - ආචාර්ය වික්ටර් රත්නායක
ඉරෝමි විජේවර්ධන ශිල්පිනියගේ චිත්‍රයකි.
No comments:
Post a Comment