ඉන්දුමතී හා බින්දුමතී

ඉන්දුමතී හා බින්දුමතී
දෙදෙනා මා පතයි
මේ දෙදෙනාමත්
මට හැමදාමත්
එක වගෙ තාමත්
ආදරේ

නොසිතු සේ දෙදෙනෙක් එදා
හමුවීලා වෙන්වී ගියා
ළතවීලා දෙහිතක් නිසා
තනිවූවා මතකයි සදා
පෙරදා කඳුළේ ගිලී

තනිවීලා සිටි කාලෙදී
අත පෑ ඒ මා හා බැඳී
ඇගෙ දෑතේ සිහිලෙන් මිදී
මා එයිදෝ ඔබ හා ඇදී
කිසිදා ඉන්දුමතී

ඉන්දුමතී හා බින්දුමතී
දෙදෙනා මා පතයි
මේ දෙදෙනාමත්
මට හැමදාමත්
එක වගෙ තාමත්
ආදරේ

ගායනය - මිල්ටන් මල්ලවාරච්චි
පද රචනය - ප්‍රේමකීර්ති ද අල්විස්
තනුව - ආචාර්ය වික්ටර් රත්නායක