වදුලේ ඇසෙන මිහිරි කතා මගේ
පෙම පිදූ නොසංගා
හී දැරූ අනංගා ...//
ඔබ ළඟින් රුවක් ලෙසින් හිඳිමි
කුල ගෙය දෙව් ලොව සදිසි
ගඟුලේ බිඳෙන හීන හිනා මගේ
තිසර තුඩ'ග ලෙලෙන පියුම වාගේ
වෙලෙමි විඳිමි නිබඳ ඔබගෙ ආලේ ...//
ඔබ හා ආ මේ
මං පෙත මාගේ ..//
ගම්දොර අහස වසන සරා සඳම වූයේ
ගහට වැලට හැඬුම නොමැත ආයේ
සුළඟ විලස රැඳෙමි පෙනෙන මානේ ...//
මේ රජ දානේ
බිළිඳෙකු දෑසේ ...//
හිමියෙනි කෙදින සිනහ ඉතිරෙද සිරියානේ
ගඟුලේ බිඳෙන හීන හිනා මගේ
වදුලේ ඇසෙන මිහිරි කතා මගේ
පෙම පිදූ නොසංගා
හී දැරූ අනංගා ...//
ඔබ ළඟින් රුවක් ලෙසින් හිඳිමි
කුල ගෙය දෙව් ලොව සදිසි
ගඟුලේ බිඳෙන හීන හිනා මගේ
ගායනය - දීපිකා ප්‍රියදර්ශනී
පද රචනය - බන්දුල නානායක්කාරවසම්
තනුව හා සංගීතය - ආචාර්ය රෝහණ වීරසිංහ
No comments:
Post a Comment