මිනිසුන් නොකනා දල්ල කුමක්දෝ
ගවයින් බුදිනා තණ පත් නේදෝ
ගව කිරි යදිනා කවුරුන් වේදෝ
ගව පැටවුන් නොව මිනිසුන් නේදෝ
කිරෙන් පිසූ දන් තුරු මුල වළඳා
බෝසත් හිමි බුදු වූවා නේදෝ
ගව ඔරුවේ තම තිඹිරි පැල සදා
කිතුනු සමිඳු ලොව දිනුවා නේදෝ
මෙහෙසුරු දෙවියනි මේ විංසතියේ
ගවයින් දෙව් පුද ලද යුතු නේදෝ
උන් වෙත දඹ රන් කිරුළක් නොපුදා
අං යුවලක් හිස පැළඳුවෙ ඇයිදෝ
උන් වෙත දඹ රන් කිරුළක් නොපුදා
අං යුවලක් හිස පැළඳුවෙ ඇයිදෝ
ගායනය - එඩ්වඩ් ජයකොඩි
පද - වසන්ත කුමාර කොබවක
තනුව - රෝහණ වීරසිංහ
No comments:
Post a Comment