මන්නාරම් පිටිවැල්ලේ
මදටිය වැල් ඔන්චිල්ලේ
කොණ්ඩෙ කඩන් හඳට අඬන් සිංදු කියන්නේ
කුණ්ඩුමණී
කුණ්ඩුමණී කුණ්ඩුමණී
කුණ්ඩුමණී කුණ්ඩුමණී
නැහැයෙ කරාබුව දෙකණේ කඩුක්කං දමා සියොලඟ
මොට්ටැක්කිළියෙන් හැඩකොට වසා ඉඟ නමා
උළුඳු කොටා තල වේලා තල් පත් මත ගිණි අව්වේ ලා
කුණ්ඩුමණී
සෙම්බු කළේ උකුලෙ හොවා ආඬි ලිඳෙන් දිය ඇදලා
ලූණු පාත්තියට දමා විඩාපත් වෙලා
හැන්දෑවට කෝවිල් ගොස් පොල් ගහලා නළලේ අළු ගා
කුණ්ඩුමණී
කුණ්ඩුමණී කුණ්ඩුමණී
කුණ්ඩුමණී කුණ්ඩුමණී
ගොම ඉහලා හැදූ ගෙබිම පිච්ච මලින් සරසාලා
කෙසෙල් ගස් දෙකක් දොරකොඩ සිටුවා තබලා
කොම්බු ඝටම් මෘදංග නද මුළු ගමටම හඬවා දීලා
කුණ්ඩුමණී
සණ්ඩු කරල බැණුම් අහල හැංගි හැංගි බැන්ද ප්‍රේමෙ
මහරාජා ආ කල ගෙට තිරික්කලෙන් බැසලා
කුණ්ඩුමණී යන පෙරහැර බලා ඉඳිමි කීකරු වීලා
කුණ්ඩුමණී
කුණ්ඩුමණී කුණ්ඩුමණී
කුණ්ඩුමණී කුණ්ඩුමණී
මන්නාරම් පිටිවැල්ලේ
මදටිය වැල් ඔන්චිල්ලේ
කොණ්ඩෙ කඩන් හඳට හඬන්
සිංදු කියන්නේ
කුණ්ඩුමණී
කුණ්ඩුමණී කුණ්ඩුමණී
කුණ්ඩුමණී කුණ්ඩුමණී .....////
ගායනය - ෆ්‍රෙඩී සිල්වා
පද - ප්‍රේමකීර්ති ද අල්විස්
තනුව - ආචාර්ය වික්ටර් රත්නායක
No comments:
Post a Comment