ගගනෝදරේ මුළු රෑ පුරා
සඳ සීතලේ ගැඹුරේ
අරුණෝදයේ වන මායිමේ
මල් මාලතී හැඬුවේ
අඳුරේ තනිවී
තරුවක් සුසුම් හෙලුවේ
නෙක පාට වලාවෙක වල්මත් වී ගිය
තරුවට අමතක පෙම් පුවතේ ...//
මතකේ අවදිවී යළි එන දා
පෙර මං සලකුණු නොමැතේ
ගගනෝදරේ මුළු රෑ පුරා
සඳ සීතලේ ගැඹුරේ
දුර මන්දාකිණියේ තරු අතරේ
මැළැවුණු ඔබෙ රුව නෙත ගැටුණේ ...//
ගිම්හානයේ ඔබ සමුගත් දා
උණුසුම දෙතොලේ සිඳුණේ
ගගනෝදරේ මුළු රෑ පුරා
සඳ සීතලේ ගැඹුරේ
අරුණෝදයේ වන මායිමේ
මල් මාලතී හැඬුවේ
අඳුරේ තනිවී
තරුවක් සුසුම් හෙලුවේ
ගායනය - උපාලි කන්නංගර
පද - ඉන්ද්‍රානි බොතේජු
තනුව - උපාලි කන්නංගර
No comments:
Post a Comment