නම ගම ආගම
ඉපදුන දාතම
වග තුග ලියා ඇති
හතරැස් කොළයක් මටත් තියෙනවා
ගෙදරම තබා ඇති
එය උප්පැන්න සහතිකේ ////
පොඩි කාලේ සිට කියන කරණ දේ
අනුව වෙනස් වන වයස ගෙවෙද්දී
වැළි බත් අහුරින් මුළුතැන්ගෙට යන
දවසක් එන දවසක් තෙක් ළග ඇති
උප්පැන්න සහතිකේ
එය උප්පැන්න සහතිකේ ///
නම ගම ආගම
ඉපදුන දාතම
වග තුග ලියා ඇති
හතරැස් කොළයක් මටත් තියෙනවා
එය උප්පැන්න සහතිකේ ////
වෙනස් කරන්නට පුළුවන් මෙහි ඇති
නම ගම කුලගොත සිතූ විලාසෙන්
එනමුත් එහි ඇති නම රැක ගැනුමයි
ඉතාම වැදගත් කුඩා ළමයිනේ
උප්පැන්න සහතිකේ
එය උප්පැන්න සහතිකේ ///
නම ගම ආගම
ඉපදුන දාතම
වග තුග ලියා ඇති
හතරැස් කොළයක් මටත් තියෙනවා
ගෙදරම තබා ඇති
එය උප්පැන්න සහතිකේ ////
ගායනය - පේෂලා මෙන්ඩිස්
පද - ප්‍රේමකීර්ති ද අල්විස්
තනුව - පුණ්‍යසිරි මහවත්ත
No comments:
Post a Comment