අඩ අඳුරේ මා දෙනෙත් කවුළු හැර
අලසව නැගිටී තනි යහනේ
ඔබ ගැන සිතමින් බලා සිටින්නෙමි
මුළු ලොව නිසලව නිදන වෙලේ
දහසක් කවි කල්පනා මගේ
සිතෙහි එවිට පිළිසිඳී තිබේ
එතකුදු ඔබ සිහිනෙක දැවටී
නින්ද සමඟ යහනට ඇවිදින්
අළුයම බොල් පිණි තැවරී තෙත්වුණු
අඳුරේ සීතල සළුව යටින්
හොරෙන් හොරෙන් ඔබ යනවිට ඒ හඬ
කෙමෙන් මට නෑසී යයි
නිදිමත පලවා දෙනෙත් කවුළු හැර
ඔබ සොයනා මට ඔබ නොපෙනේ
දහසක් කවි කල්පනා මගේ
හදෙහි යළිත් පිළසිඳී තිබේ
අඩ අඳුරේ මා දෙනෙත් කවුළු හැර
අලසව නැගිටී තනි යහනේ
ඔබ ගැන සිතමින් බලා සිටින්නෙමි
මුළු ලොව නිසලව නිදන වෙලේ
හා... හා හා හ හා.......
හා... හා හා හ හා.......
හ්ම්.. හ්ම් ම් ම් ම්......
හ්ම්.. හ්ම් ම් ම් ම්......
ගායනය - ක්ලැරන්ස් විජේවර්ධන
පද - ක්ලැරන්ස් විජේවර්ධන
තනුව - ක්ලැරන්ස්
විජේවර්ධන
No comments:
Post a Comment