ඔබම මා ද විය
මා ද ඔබම විය
සාගර වෙරළක පිය සටහන් මත
ඔබ මා සමගින් ගෙවූ දිනක් ඇත
ඒ රන් හිරු රැස විහිදුණු මොහොතේ
ඔබම මා ද විය මා ද ඔබම විය
පවසා ගන්නට දහක් වදන් ඇත
පෙන්විය නොහැකිවු දහස් දසුන් විය
ඒ සැම මැද්දේ සිත කය සිරවුණු
අහිංසකාවිය පමණ ද ඔබ ළඟ
ඔබම මා ද විය
මා ද ඔබම විය
සාගර වෙරළක පිය සටහන් මත
ඔබ මා සමගින් ගෙවූ දිනක් ඇත
ඒ රන් හිරු රැස විහිදුණු මොහොතේ
ඔබම මා ද විය මා ද ඔබම විය
ඔබමය මා සිත ඔබමය මා ගත
සිතින්ද සිරුරෙන් පොබ කළ හිමියණි
ඔබෙන් රකින්නට රහස් කිසිත් නැත
එවන් කලෙක මා එපා නොකල මැන
ඔබම මා ද විය
මා ද ඔබම විය
ගායනය - මාලිනී බුලත්සිංහල
පද රචනය - බණ්ඩාර කේ. විජේතුංග
තනුව - ප්‍රේමසිරි කේමදාස
1991 දී තිරගතවූ "මධුසමය" චිත්‍රපටියේ ගීයකි.
No comments:
Post a Comment