Friday, March 22, 2019

විහඟ ගීතය

විහඟ ගීතය නිහඬ ඇයි
කියනු මැන කොඳුරා

නොපෙනෙනා දුර ඈත කුටියක සිරවෙලා
විහඟ ගීතය නිහඬ සුසුමක නැවතිලා

ළදලු මැලවී
තුරු ලතා තැති ගැනී
සිරස සරසන මලක්වත් නැහැ පිපී

අඳුර රජවී
අනේ දුනු හී ඇනී
නිහඬ කුටියක විහඟ ගී ගොළු වුණී

විහඟ ගීතය නිහඬ ඇයි
කියනු මැන කොඳුරා

නොපෙනෙනා දුර ඈත කුටියක සිරවෙලා
විහඟ ගීතය නිහඬ සුසුමක නැවතිලා

කඳුළු වගුරා
පහුරු ගා දෙස් තියා
ප්‍රගීතයකට කොහොම තැවෙමුද හඬා

පියාඹන්නට නාද දී නිදහසේ
විහඟ ගීතය මුදාගෙන එමු සඳේ

විහඟ ගීතය නිහඬ ඇයි
කියනු මැන කොඳුරා

නොපෙනෙනා දුර ඈත කුටියක සිරවෙලා
විහඟ ගීතය නිහඬ සුසුමක නැවතිලා

ගායනය - අමරසිරි පීරිස් සහ මාලිනී බුලත්සිංහල
පද - නිලාර් එන්. කාසිම්
තනුව - එච්.එම්. ජයවර්ධන

No comments: