සඳ දිය දෙවුණ සේ සිනහව පිපුණාම
නුඹ කොයි තරම් සුවඳ ද මගෙ සිත ගාව
දෑ කුල සිරිත් සිටි සඳ මඟ අවුරාන
හමුවී වැළපෙමු ද මෙලෙසින් හැමදාම
නෑඹුල් පැතුම් අහසට නැග රහසේම
දිලිසෙන්නේද පුරපස වී සඳපාන
ඒ හඳ ඇයිද දියවක වී ගොළු රෑක
දියවී ගිහින් රැඳුණේ තරු ඇස ගාව
සඳ දිය දෙවුණ සේ සිනහව පිපුණාම
නුඹ කොයි තරම් සුවඳ ද මගෙ සිත ගාව
දෑ කුල සිරිත් සිටි සඳ මඟ අවුරාන
හමුවී වැළපෙමු ද මෙලෙසින් හැමදාම
ළය මත පිපුණු උණුසුම් සුසුමක සුවඳ
සෝදා හළ හැකිද ගැරහුම් රළ ගාව
කඩඉම ළඟ ඉඳන්වත් නුඹ හැමදාම
මට අත වනාපන් නලියන නල සේම
සඳ දිය දෙවුණ සේ සිනහව පිපුණාම
නුඹ කොයි තරම් සුවඳ ද මගෙ සිත ගාව
දෑ කුල සිරිත් සිටි සඳ මඟ අවුරාන
හමුවී වැළපෙමු ද මෙලෙසින් හැමදාම
ගායනය - මාලිනී බුලත්සිංහල සහ අසංග ප්‍රියමන්ත පීරිස්
පද - නිලාර් එන්. කාසිම්
තනුව - සමන්ත පෙරේරා
No comments:
Post a Comment