අසෝක වනයම පින් පාටයි

අසෝක වනයම පින් පාටයි
ළසෝ තැවුල් නිවෙනා පාටයි
අසෝක මල් වන බඹරාටයි
මේ මල සාලිය කුමරාටයි

නෙතේ කැළුම් හරි පින් පාටයි
ඉණේ බැඳුණු කග රන් පාටයි
තොසේ දඩයමේ යන පාටයි
හිතේ බොහෝ දේ ඇති පාටයි

මේ ලිය අතු බිඳ බිඳ මල් නෙළියේ
රෝ ලිය නම් රවටන්නට බැරියේ
ආලය ළඟ මා අවි අතහැරියේ
සාලිය මම් දැනගන් සියුමැලියේ

අසෝක වනයම පින් පාටයි
ළසෝ තැවුල් නිවෙනා පාටයි
තොසේ දඩයමේ යන පාටයි
හිතේ බොහෝ දේ ඇති පාටයි

මාලිගෙ මල්කරුගේ දුව වෙමි මා
යහනට ඔබෙ මේ මල් නෙළනෙමි මා
යහනට මගෙ මල් කුමටද ඇතිරී
මා ළය යහනට එනු මගෙ සොඳුරී

අසෝක වනයම පින් පාටයි
ළසෝ තැවුල් නිවෙනා පාටයි
අසෝක මල් වන බඹරාටයි
මේ මල සාලිය කුමරාටයි

නෙතේ කැළුම් හරි පින් පාටයි
ඉණේ බැඳුණු කග රන් පාටයි
තොසේ දදය මිය යන පාටයි
හිතේ බොහෝ දේ ඇති පාටයි

ගායනය - ජගත් වික්‍රමසිංහ සහ නීලා වික්‍රමසිංහ
පද - යමුනා මාලිනී පෙරේරා
තනුව - ස්ටැන්ලි පීරිස්

Asoka Wanayama Pin Patai - Neela Wickramasinha
(චිත්‍රය - ජෝර්ජ් කීට් ශිල්පියාගේ නිර්මානයකි.)