හද ගිලෙයි අම මිහිරේ
පෙම් සුවේ රස ඉතිරේ
මල් පැණි මදිරා
මී පැණි ගංගා
පෙම් සයුරට මුසුවේ
පෙම් සයුරට මුසුවේ
හද ගිලෙයි අම මිහිරේ
පෙම් සුවේ රස ඉතිරේ
වන බඹරු නොදත් නොසිපී
සමනලුන් දුටුව සිරි
රොන් ගත විහිදේ
පෙම් ලිය ගොමුවේ
පොබයා මල් සිනහා
පොබයා මල් සිනහා
හද ගිලෙයි අම මිහිරේ
පෙම් සුවේ රස ඉතිරේ
පෙම් වලාකුළු ද කැටිවී
ඇති තුරුළු වෙලා කිමිදී
කඳු ගැට අතරේ
බැස යන ගඟුලේ
සීතල මට දැනුණා
සීතල මට දැනුණා
හද ගිලෙයි අම මිහිරේ
පෙම් සුවේ රස ඉතිරේ
මල් පැණි මදිරා
මී පැණි ගංගා
පෙම් සයුරට මුසුවේ
පෙම් සයුරට මුසුවේ
සුදු පළිඟු තලා උඩදී
සඳ කිරණ සමග මුසු වී
පෙම් රළ පතරේ
පෙණ පිඬු විසිරේ
ආදර කිරි මුහුදේ
ආදර කිරි මුහුදේ
හද ගිලෙයි අම මිහිරේ
පෙම් සුවේ රස ඉතිරේ
ගායනය - රුක්මණී දේවි සමග මොහිදීන් බෙග්
පද - ශ්රී චන්ද්රරත්න මානවසිංහ
සංගීතය - සජාද් හුසේන්
1959 දී තිරගතවූ "දෛවයෝගය" චිත්රපටියේ ගීයකි.
ගීයේ සිනමා රූප රාමු
No comments:
Post a Comment