අයියාට මේ රජ ගේ මල්ලි හදාලා
ඔබෙ මල්ලි හදලා
රජ ගේවත් නැත මේ ලස්සනට තියාලා //
නිවිහිල්ලේ සැනසිල්ලේ ඉන්න ආසාවේ කරදර නැතුව පාඩුවේ
මකුළුවො දැල් නොබඳී
කුස්සියෙ දුම් නොයතී ...//
වැස්සට වහළ බිඳී
වැහි දිය ගෙට නොඑතී.. //
මෙහි නෑ දොර ජනේලේ
මොකටද දුර ජනෙල් රෙදි
අයියාට මේ රජ ගේ මල්ලි හදාලා
ඔබෙ මල්ලි හදලා
දූවිලි බැඳෙන නිතී
ඇඳ පුටු මේස නැතී ...//
අඬගැහුවත් නැවතී
මේ ගෙට හොරු නොඑතී ...//
වැඩකාරයො මොකටද
දෙයියෝ දුන්න දෑත ඇතී
අයියාට මේ රජ ගේ මල්ලි හදාලා
ඔබෙ මල්ලි හදලා
ඔය අත ළඟම ඔබේ
පොත් ටික පෙළට තිබේ ....//
එළිවෙන තුරුම ඉබේ
හොඳ හැටි එළිය ලැබේ...//
වියදම නැතුව අපට පහනක් මහ පාරෙ තිබේ
අයියාට මේ රජ ගේ මල්ලි හදාලා
ඔබෙ මල්ලි හදලා
රජ ගේවත් නැත මේ ලස්සනට තියාලා //
නිවිහිල්ලේ සැනසිල්ලේ ඉන්න ආසාවේ කරදර නැතුව පාඩුවේ
ගායනය - මාස්ටර් මොරින් සමග බේබි ඩොරින්
පද - කරුණාරත්න අබේසේකර
සංගීතය - ආර්. මුත්තුසාමි
1959 දී තිරගතවූ "පුරුෂ රත්නය" චිත්‍රපටියේ ගීයකි.
No comments:
Post a Comment