කරදර පොදි බැඳ ගැළ පිට පටවා
කරුමයෙ කළු ගොනු පෙරටුවෙ බැඳගෙන
මේ ජීවන මග අප යනවා
ඒ ගමනේ දුක් දාහෙ නිවාළන
සීපද මුවගින් පිට වෙනවා
සීපද මුවගින් පිට වෙනවා
අප යන මේ මඟ කළුගල් මතුවී
පය රත්වීලා බුබුළු නැගෙන සඳ
දෑසින් කඳුළැලි මතුවෙනවා
ඒ ගමනේ දුක් දාහෙ නිවාළන
සීපද මුවගින් පිට වෙනවා
සීපද මුවගින් පිට වෙනවා
කිරිගල්පොත්තේ කන්ද නගින විට
ගම සිටිනා ඔබ හදෙහි ඇඳෙනවා
ඒකෙන් ගමනට හිත දෙනවා
ඒ ගමනේ දුක් දාහෙ නිවාළන
සීපද මුවගින් පිට වෙනවා
සීපද මුවගින් පිට වෙනවා
ගායනය - පණ්ඩිත් ඩබ්.ඩී. අමරදේව
පද රචනය - උදයසිරි පතිරණ
තනුව - පණ්ඩිත් ඩබ්.ඩී. අමරදේව
No comments:
Post a Comment