සිහින නෙළුම් මල ජීවිත පොකුණේ
දෑස අබියස පිපී සැලේ
දෑස අබියස පිපී සැලේ
සිහින නෙළුම් මල ජීවිත පොකුණේ
තුන් යම ගත වූ ජීවිතයේ
අරුණළු නැගෙනා පභාතයේ ...//
අහස ඉසව්වේ ඔබ මා දුටුවේ
රිදී පහන් තරුවක් වාගේ
රිදී පහන් තරුවක් වාගේ
දෑස වසාගෙන මැදියම් යාමේ
යහනත වැතිරී නිදන වෙලේ ...//
කවියක් සේ ඔබ හදවත ගුලි වී
මා හද පිරිමැද අවදිකලා
මැදියම අවදි ව හැබැහින් දුටුවෙමි
පෙරයම නින්දේ දුටු සීනේ
එහෙත් සිහිනයක් වේ දෝ යළි එය
ජීවිතයේ අන්තිම යාමේ //
සිහින නෙළුම් මල ජීවිත පොකුණේ
දෑස අබියස පිපී සැලේ
දෑස අබියස පිපී සැලේ
සිහින නෙළුම් මල ජීවිත පොකුණේ
ගායනය - පණඩිත් ඩබ්.ඩී. අමරදේව
පද රචනය - ධර්මසිරි ගමගේ
තනුව - පණඩිත් ඩබ්.ඩී. අමරදේව
'සහනය' චිත්රපටියෙන්
Anyone who has the link can play this song in your "Smart Phone"
No comments:
Post a Comment