රෑ තුන් යාමේ

රෑ තුන් යාමේ
ගැයෙනා මේ ළසෝ රාවේ
ඒ සංතාපේ
හද අරණේ සන්තානේ
නොසන්සුන් නොවේ නුවන් තුළින් බිඳු වෑහේ //

සුදු ඉද්ද සමන් මල් ඕවිල්ලේ
සුදු චන්ද්‍ර සිනා කැළුම් විමානේ
මන බැන්ඳ මගේ රන් සියුමැල්ලේ
කවුරුන්ද ඔබේ හිත පෑරෙව්වේ //

රෑ තුන් යාමේ

ඔබ ඇයි ද ළඳේ සෝ සුසුම් ලන්නේ
ඔබ සිතූ පැතූ ලොව මා නොවෙදෝ
මට ඉන්න තුරුල් වී සැනසිල්ලේ
හැමදාම මමයි ඔබ ළඟ ඉන්නේ //

රෑ තුන් යාමේ
ගැයෙනා මේ ළසෝ රාවේ
ඒ සංතාපේ
හද අරණේ සන්තානේ
නොසන්සුන් නොවේ නුවන් තුළින් බිඳු වෑහේ ///

ගායනය - මිල්ටන් මල්ලවාරච්චි
පද රචනය - රූකාන්ත ගුණතිලක
තනුව - රූකාන්ත ගුණතිලක

Anyone who has the link can play this song in your "Smart Phone"