තොටියෙකි මා මේ සීතල වතුරේ
ඔරුවක පාවෙන රෑ ඝණ අඳුරේ
පායා එන්න සඳේ මට දී ආලෝකේ
පාළුවෙලා මගෙ ලෝකේ
හෝ ඇයි පාළුවෙලා මගෙ ලෝකේ
තෝරා දෙන්න වහා නැගෙනා මේ සෝකේ
පාළුවෙලා මගෙ ලෝකේ
හෝ ඇයි පාළුවෙලා මගෙ ලෝකේ
ඇති තනිය මකාදී
ඇගෙ ඇසුර ලබාදී
සනසන්න හිතේ දුක පහ කරලා
ඔරුවක පාවෙන රෑ ඝණ අඳුරේ
තොටියෙකි මා මේ සීතල වතුරේ
ඔරුවක පාවෙන රෑ ඝණ අඳුරේ
මාගේ වෙහෙස නිවා සතපා හිනැහෙන්නේ
කවුද කියා නැත දන්නේ
හෝ කොයි කවුද කියා නැත දන්නේ
ජීවේ අඩුව මකා පුරවා සනසන්නේ
කවුද කියා නැත දන්නේ
හෝ කොයි කවුද කියා නැත දන්නේ
බත රසට උයාලා
කොළපතට බෙදාලා
ගෙන එන්න කෙනෙක් දෙනු මැන සොයලා
ඔරුවක පාවෙන රෑ ඝණ අඳුරේ
තොටියෙකි මා මේ සීතල වතුරේ
ඔරුවක පාවෙන රෑ ඝණ අඳුරේ
ගායනය - මිල්ටන් මල්ලවාරච්චි
පද රචනය - කරුණාරත්න අබේසේකර
තනුව - මොහොමඩ් සාලි
මෙය ග්‍රැමෆෝන් තැටියකට හඬ කැවුණු මිල්ටන්ගේ ප්‍රථම ගී දෙකෙන් එකකි.. එම තැටියේ අනෙක් පස ගීය වූයේ "මංගලේ නෙත් මංගලේ" නම් ගීයයි.
(පිලිප්ස් ලේබලයෙන් යුත් තැටි අංකය EXVEE JVPC1016)
මුල් ගීය
පසු කලෙක කළ ගායනයක්
No comments:
Post a Comment