රෑහි හඬින් ඉකි බිඳිනා ගොම්මනේ

රෑහි හඬින් ඉකි බිඳිනා ගොම්මනේ
නුඹ තනියම මන්ද ඔතැන සොඳරියේ
පිනි සලමින් දිදුලන තරු යහනතේ
දොඩමළු වෙමු එක මොහොතක්
ලොවට හොරෙන් නිදහසේ

දෑල මල් පිපුණු නිම්නේ නිලන තුරක් නම්
විහඟ වෙස් අරන් ගුවනේ පියඹා එන්නම්

හැපෙන බිඳෙන රළ වැල් ළඟ කෝල නොවෙන්නම්
මීන වෙස් අරන් දියඹේ පීනා එන්නම්

පාළු අඳුරු හිස් අහසේ දුලන සඳක්නම්
සීත පවන් රැල්ලක් සේ පාවී එන්නම්

රුවට දිලෙන තරු මල් යට ආල පුරන්නම්
මිහිරි සිහිනයට ඉඩදී දෑස පියන්නම්

රෑහි හඬින් ඉකි බිඳිනා ගොම්මනේ
නුඹ තනියම මන්ද ඔතැන සොඳරියේ
පිනි සලමින් දිදුලන තරු යහනතේ
දොඩමළු වෙමු එක මොහොතක්
ලොවට හොරෙන් නිදහසේ
 
ගායනය - නි‍රෝෂා විරාජිනී සමග අමරසිරි පීරිස්
පද රචනය - යසනාත් ධම්මික බණ්ඩාර
තනුව හා සංගීතය - කරුණාරත්න විජේවර්ධන

චිත්‍රය ජෝර්ජ් කීට් ශිල්පියාගේ නිර්මාණයකි
Rehi Handin Ikibindina _ Amarasiri Peiris & Nirosha Virajini