සිරි සිරි හඬින්

සිරි සිරි හඬින් පිණි මිණි පොද වැටෙන විට
දිලි දිලි අතු අගින් ගිලිහී වැටෙන විට
රන්වන් එළිය හිරු රතු පැහැ කළ කලට
සිරි සිරි ගගා ඉගිළෙයි මෙරුවන් පොදිය ...//

පිණි පොද දුටුවාද තුරු අතු අග්ගිස්සේ
හිත හිත නටයි මල් මත පෙත්තෙන් පෙත්තේ ...//
එන්නට කළින් මන්දාරම් මහ වැස්සේ
ඉන්නට හිතයි තෙමි තෙමි මිණි පොද වැස්සේ

අත්තෙන් අත්ත පැන පැන එන දිය බිංදු
තණ මත වැටී දිලිසී හිනැහෙන රුසිරූ ...//
ගස් යට වැස්සකට මා තෙමෙනා අයුරු
මෙරුවනි බලව් මගෙ සිත ඉගිලෙන රුසිරූ

සිරි සිරි හඬින් පිණි මිණි පොද වැටෙන විට
දිලි දිලි අතු අගින් ගිලිහී වැටෙන විට
රන්වන් එළිය හිරු රතු පැහැ කළ කලට
සිරි සිරි ගගා ඉගිළෙයි මෙරුවන් පොදිය

ගායනය - නි‍රෝෂා විරාජිනී
පද රචනය - ප්‍රීති රන්දෙණිය
තනුව හා සංගීතය - සංගීත් වික්‍රමසිංහ

Anyone who has the link can play this song in your "Smart Phone"