සිත දන් දුන්නේ දෙගුරුනි ඔබ හට
පෙරුමන් පුරණා ලෙසින් නොවේ
සිත දන් දුන්නේ සොයුරු සොයුරියණි
සසරින් මිදෙනා ලෙසින් නොවේ
ගෙවන තුරුණු විය පුබුදන හැඟුමන්
සිත අමතනවා සරණ සොයා
එනමුදු කෙලෙසද මා ජය ගන්නේ
ඔබ සැම පැරදී හිඳිණු බලා
අග හිඟ සතුරන් සතර නිමිති මෙන්
නිති ඔබ පෙළනා කුරිරු නියා
දැක කලකිරෙනා සිත දන් දී යමි
ඔබ ගිණි නිවනා නිවන සොයා
සිත දන් දුන්නේ දෙගුරුනි ඔබ හට
පෙරුමන් පුරණා ලෙසින් නොවේ
සිත දන් දුන්නේ සොයුරු සොයුරියණි
සසරින් මිදෙනා ලෙසින් නොවේ
ගායනය - මහාචාර්ය සනත් නන්දසිරි
පද රචනය - කුලරත්න ආරියවංශ
සංගීතය - ආචාර්ය රෝහණ වීරසිංහ
No comments:
Post a Comment