ඔබේ නමින් සෑය බඳිමි
විමානයෙන් බසිනු මැනවි
ස්වර්ණමාලියේ
රූබර ස්වර්ණමාලියේ
ස්වර්ණමාලියේ
ඔබේ නමින් සෑය බඳිමි
විමානයෙන් බසිනු මැනවි
උනා නීල වර්ණ වරල දෑලේ මල් ගැවසි ලියේ
නගා ඉන්ද්‍රචාප දෙබැම ඇසින් විදුලි මවන ලියේ
වනා ළමැද කිණිහිරි පෙති රත්න තිලක පැළඳි ලියේ
සිනාසිසි විමානයෙන් බසින්න ස්වර්ණමාලියේ
ස්වර්ණමාලියේ
රූබර ස්වර්ණමාලියේ
ස්වර්ණමාලියේ
බාල චන්ද්‍ර පටු නළලත අලක අඳුන් අඳින ලියේ
ආල වඩන දන්ත කැකුළු කුන්ද සමන් පිපෙන ලියේ
දෑල දෑත ස්වර්ණ දාම පාන හඬට හඬන ලියේ
කෝල නොවී විමානයෙන් බසින්න ස්වර්ණමාලියේ
ස්වර්ණමාලියේ
රූබර ස්වර්ණමාලියේ
ස්වර්ණමාලියේ
ඔබේ නමින් සෑය බඳිමි
විමානයෙන් බසිනු මැනවි
ස්වර්ණමාලියේ
රූබර ස්වර්ණමාලියේ
ස්වර්ණමාලියේ
ගායනය - පණ්ඩිත් ඩබ්.ඩී. අමරදේව
පද - මහගම සේකර
තනුව - පණ්ඩිත් ඩබ්.ඩී. අමරදේව
No comments:
Post a Comment