නිම් හිම් සෙව්වා

නිම් හිම් සෙව්වා මා සසරේ

හමු වී යුගයෙන් බැඳි යුගයේ
ලං වී වෙන් වී වරින් වරේ
ඔබ මා රන් හුයකිනි බැඳුණේ

දිවියේ ආශා ගැඹුරින් ගැඹුරේ
ළය ගිම් සනහා අපමයි තැවුණේ
ජන්මෙන් ජන්මේ රැව්දීලා
ඔබ මා නෙතගේ රැඳුණා

නිම් හිම් සෙව්වා මා සසරේ
හමු වී යුගයෙන් බැඳි යුගයේ
ලං වී වෙන් වී වරින් වරේ
ඔබ මා රන් හුයකිනි බැඳුණේ

ඉර හඳ සේ මා පැතුමන් පැතුවා
සැනසුම් සුයුරේ සසුමන් හෙලුවා
අතරින් පතරේ වියැකීලා
සටනින් අද මා දිනුවා

නිම් හිම් සෙව්වා මා සසරේ
හමු වී යුගයෙන් බැඳි යුගයේ
ලං වී වෙන් වී වරින් වරේ
ඔබ මා රන් හුයකිනි බැඳුණේ

ගායනය - පණ්ඩිත් ඩබ්.ඩී. අමරදේව
පද රචනය - ඔගස්ටස් විනයාගරත්නම්
තනුව - නිමල් මෙන්ඩිස්

මෙම ගීය "සීතා දේවී" (1978) සිනමා සිත්තමට නිර්මානය වූවකි.

"නිම් හිම් සෙව්වා" ලෙස ගැයෙතත් එය "නිම් ඉම් සෙව්වා" වුවොත් වඩා නිවරදියැයි හැඟේ. ගී තනුව නිර්මාණය වූයේ නිමල් මෙන්ඩිස් ගැයූ "When did I meet you, my love" නම් (චිත්‍රපටිය නිෂ්පාදනයට කලකට ඉහත ගායනා කළ) ගීයටයි.