සෙත් කොට කුළුණු ගුණ පාමින් මවෙකු මෙන
ගැත්තන් දුක් බරින් මුදවා පිහිට වෙන
මෙත් බර කතරගම සුරිඳුනි මෙදුක ගැන
නෙත් දොළසින් එකක් දිගු කොට බලනු මැන
රුහුණු දේස සෝබමාන මාලිගේ
අභිමාන රම්ය ස්වර්ණ මයුර වාහනේ
රාජ තේජ පාන දේව රාජනේ
දීර වීර සූර කන්ද ස්වාමිනේ
දෝත නඟා පාද මූලෙ සදා පුදා වඳින්නෙමී
රුහුණු දේස සෝබමාන මාලිගේ
අභිමාන රම්ය ස්වර්ණ මයුර වාහනේ
කාන්ති පාන ශාන්ති දාන වල්ලි ස්වාමි දෙව් රදා
කන්දස්වාමි භක්ති ප්රේම ශක්තිය දේ මගෙ සදා
පූජනීය තේජනීය දේවනේ
මෙත පානු මාගෙ සෝ ගිනී නිවා අනේ
ඔප්පු තබා බාරහාර සදා පුදා වඳින්නෙමී
රුහුණු දේස සෝබමාන මාලිගේ
අභිමාන රම්ය ස්වර්ණ මයුර වාහනේ
ගායනය - ක්ලැරිස් ද සිල්වා
පද - කරුණාරත්න අබේසේකර
සංගීතය - ආර්. මුත්තුසාමි
1959 දී තිරගතවූ "පුරුෂ රත්නය" චිත්රපටියේ ගීයකි.
No comments:
Post a Comment