Gee Arana ගී අරණ: "අහංකාර ස්ත්‍රී" චිත්‍රපටියේ ගීත

Saturday, December 6, 2025

"අහංකාර ස්ත්‍රී" චිත්‍රපටියේ ගීත

සිංහල සිනමා වංශකථාවේ 24 වැනි ඇසි-දිසි (කතානාද) චිත්‍රපටියයි, "අහංකාර ස්ත්‍රී".

"කඩවුණු පොරොන්දුව" චිත්‍රපටිය නිෂ්පාදනය කළ ලංකාවේ ප්‍රකට ව්‍යාපාරිකයෙකු වූ එස්.එම්. නායගම් විසින් ⁣නිෂ්පාදනය කළ සිව්වැනි චිත්‍රපටිය වන මෙහි නිෂ්පාදන කටයුතු සිදුවූයේ නායගම් මහතා විසින් මෙරට ඉදි කළ කඳානේ 'සුන්දර සවුන්ඩ්' චිත්‍රාගාරයේදී.

ගීත පටිගත කිරීම පමණක්, මදුරාසියේ 'වාහිනී' ශබ්ධාගාරයේ දී සිදුවුණා.

"අහංකාර ස්ත්‍රී" චිත්‍රපටිය, දමිළ චිත්‍රපටි තුනක කතා ආශ්‍රයෙන් නිපදවූවක් වුවත් අනුකරණයක් නොවේ.

එම දමිළ චිත්‍රපටි තුන

1. Velaikari Magal (1952)
2. Parasakthi (1952)
3. Velaikaran (1952)

චිත්‍රපටියේ නිෂ්පාපාදනය සම්බන්ධව විස්තර මේ පලකිරීමේ අඩියේ ඇති, "සරසවිය" කලා පුවත්පතේ හිටපු කතෘ අරුණ ගුණරත්න මහතා ගෙන එන වීඩියෝවේ ඇතුළත් නිසා චිත්‍රපටියේ අඩංගු වූ ගීත පමණයි මා මෙහි ගෙන එන්නේ.

ගීත 11 ක් අඩංගු වූ මේ සිනමා කෘතියේ සංගීත අධ්‍යක්ෂණය කළේ ⁣ආර්. මුත්තුසාමි මහතා.

කතා පිටපත මෙන්ම, ගීත ප්‍රබන්ධයද කළේ කේ. හියුගෝ ප්‍රනාන්දු මහතා.

සෑම ගීයකම 'නාමය' (Title) එක මත
ක්ලික් කිරීමෙන් ගීයේ වැඩිමනත් විස්තර වලට යොමු විය හැකිය.

මෙන්න ගී පෙළ

1. හේල හෙලෙයි

ගායනය - කේ. රාණි, ලතා වල්පොල සමග ධර්මදාස වල්පොල සහ පිරිස

2. දුගීන්ගේ යහන

ගායනය - කේ. රාණි

තනුව උපුටා ගෙන ඇත්තේ 1953 දී භාරතයේ තිරගතවූ "අනර්කලී" හින්දි චිත්‍රපටියට ලතා මංගෙස්කාර් ගැයූ "Dua Kar Gham E Dil" යන ගීයෙනි.

හින්දි ගීතය "Dua Kar Gham E Dil"

Singer - Lata Mangeskhar

Lyricist - Shailendra (Shankardas Kesarilal)