Gee Arana ගී අරණ: සීදේවි චිත්‍රපටියේ ගීත

Sunday, November 9, 2025

සීදේවි චිත්‍රපටියේ ගීත

චිත්‍රපටි ගීත 10

සීදේවි චිත්‍රපටියේ ගීත

සිංහල සිනමා වංශකතාවේ දස වැනි ඇසි-දිසි චිත්‍රපටියයි "සීදේවි".

මෙරට ප්‍රකට සිනමා ශාලාවක් ලෙස පැවති "ගාමිණී" සිනමා ශාලාව ආරම්භ වන්නේ 'සීදේවි' චිත්‍රපටිය ප්‍රදර්ශනය කරමිනි.

1951 මාර්තු 09 වැනිදා ප්‍රදර්ශනයට නිකුත්වූ මේ චිත්‍රපටිය දින 87 ක් 'ගාමිණී' සිනමා ශාලාවේ ⁣ප්‍රදර්ශනය වුණා.

මේ පලකිරීමේ අඩියේම තිබෙන වීඩියෝ⁣වේ චිත්‍රපටියේ නිෂ්පාදනය ගැන මනා වූ ඉදිරිපත් කිරීමක් අඩංගු නිසා මා මෙහි ගෙන එන්නේ චිත්‍රපටියේ අඩංගු වූ ගීත සමුච්චයයි.

ගීයේ හඳුන්වන නම (රතු පැහැයෙන් දිස්වන) මත කෙටීමෙන්, ගීයේ වැඩිමනත් තොරතුරු සහිත එකී ගීයේ කේවල "පලකිරීම" ට පිවිසිය හැක.

1. ප්‍රේම තතේ හැප්පී

ගායනය - බී. එන්. අමරලතා සමග ඩී.ආර්. නානායක්කාර
පද - සිරිසේන විමලවීර
සංගීතය - බී.එච්. ද සිල්වා

1948 දී භාරතයේ තිරගතවූ Anokhi Ada චිත්‍රපටියට Uma Devi Khatri ගැයූ Kahe Jiya Dole Ho Kaha Nahi Jaye යන ගීයෙන් තනුව උපුටා ගෙන ඇත.

තනුව උපුටා ගත් හින්දි ගීය

Singer - Uma Devi Khatri (Tun tun)

Lyricists - Shakeel Badayuni

Music Composer - Naushad Ali

Starring: Naseem Banu, Surendra, Prem Adib

2. ගියා මා හැරා

ගායනය - ජේ.සී.කේ. රූපාවතී සමග බී.එච්. ද සිල්වා

පද - සිරිසේන විමලවීර

තනුව ඉන්දීය සිනමා ගීයකින් උපුටා ගත්තකි.

3. ගීත ඇසේ මිහිරී

ගායනය - ජේ.සී.කේ. රූපාවතී සමග බී.එච්. ද සිල්වා

පද - සිරිසේන විමලවීර

1948 දී භාරතයේ තිරගතවූ "Anokhi Ada" හින්දි චිත්‍රපටියට ශම්ෂාඩ් බෙගම් ගායනා කළ "Aaj Kaha Jaa Ke Nazar" යන ගීයෙන් තනුව උපුටා ගෙන ඇත.

තනුව උපුටා ගත් හින්දි ගීය

Singer - Shamshad Begum

Lyricist - Shakeel Badayuni

Composer - Naushad Ali

Movie - Anokhi Ada (1948)

4. ස්වාමී ඔබ මගෙ බුදුපියානේ

ගායනය - ෆ්‍රෙක්සිඩ් ප්‍රනාන්දු

පද - සිරිසේන විමලවීර

සංගීතය - බී.එච්. ද සිල්වා

තනුව ඉන්දීය සිනමා ගීයකින් උපුටා ගත්තකි.

සිංහල ගීය විශාරද යමුනා විනෝදනී මහත්මිය විසින් ද ගයා ඇත.

5. නිදි මර මර දුටු සිහිනය සැබවයි

ගායනය - බී.එන්. අමරලතා සමග ආර්. පද්මිණී
ගී පද - සිරිසේන විමලවීර
සංගීතය - බී.එච්. ද සිල්වා (එඩී ජූනියර්)

මෙම ගීයට තනුව උපුටා ගෙන ඇත්තේ, 1949 වසරේදී භාරතයේ තිරගතවූ Bari Bahen හින්දි චිත්‍රපටියට, ලතා මංගෙස්කාර් සමග ප්‍රේමලතා ගායනා කළ Chup chup khade ho යන ගීයෙනි.

Bari Bahen හින්දි චිත්‍රපටිය සිංහල චිත්‍රපටියක් ලෙස "සුජාතා" නමින් නිෂ්පාදනය වී 1953 දී ලංකාවේ තිරගතවුණා.

හින්දි ගීය

Singers - Lata Mangeshkar & Premlata

Lyricist - Qamar Jalalabadi

Music Composer - Bhagatram Batish & Husnlal Batish

Movie - Bari Behen (1949)